情人節並唔係一個節日咁簡單，佢其實係一個深藏危機嘅考驗。
呢兩日唔單只會聽到單身狗㗒嚎，我仲見同情侶之間嘅嗌交同曖昧關係終於見真章嘅痛哭。無論你平時有幾唔在乎節日都好，情人節前總係會不由自主咁哼你個頭令你清醒一下：你而家真係開心？
其實情人節真係一個幾好嘅buffer，去令我哋停一停諗一諗你現在正處身於嘅關係。成日都話，想找到對的人首先要令自己成為對的人。首先自愛係好重要。自愛唔代表自戀，好好take care自己起碼保證當你遇人不淑嘅時候會有勇氣say no去保護自己；當你寂寞嘅時候，寧願搵朋友去食餐勁飲個醉都唔會做後備。
記得上年情人節我同J先生都行得好埋，佢一直都無提過情人節會點，比我感覺佢好似想回避。直到前一日我自己衰，忍唔住問咗一句：咦，聽日情人節你去邊呀？佢話：我聽晩放咗工要去打比賽 ...哈哈。心諗究竟你哈乜嘢呢？我回咗句”goodluck 💪🏼💪🏼💪🏼”。然後佢就開始嗰啲不如我打完波一齊食糖水乜嗰啲衰嘢..我好記得佢個”哈哈”唔知點解突然令到我個內心小劇場著Lun咗....心諗不如比完賽我喺你間房等你呀 ...哈哈 ... 真係no thanks，你要約我一早約咗我，我唔係後備亦唔係俾人攝時間，要食就食正餐，唔得閑就改第二日一早約好，呢D係我一直堅持堅守嘅原則！咁當然我都有軟弱嘅時候，但係就真係自己仆街唔好喊，唔好怪人怪自己。唔好因為寂寞就退而求其次，見下朋友製造me time都好過同啲過客spend time嘥時間。你要記住： you always have a choice！
最後，祝福你過一個清清醒醒嘅情人節！
備注1: 其實係我瞬間心急咗唔關J先生事，咁講真行得埋又唔代表一定要同我過嘅
備注2: 最後J先生喺weekend好好plan咗晚飯(上年)
#女人像鹽 #瞬間心急咗 #女人嘅內心小劇場就係連珠爆發 #但係內心唔舒服就要學懂拒絕
Search